Құрметті Жаңақала ауданы әкімдігінің ресми сайтына келушілер!


Сіздерді Жаңақала ауданы тұрғындары және өз атымнан Жаңақала ауданы жергілікті мемлекеттік басқаруының ресми WEB сайтында құттықтаймын.

Жаңақала ауданы-тек қана Батыс Қазақстан облысына емес, республикаға танымал үлкен мал шаруашылығымен айналысатын аудан. Ауданда асылтұқымды Еділбай қойлары, асыл тұқымды Көшім жылқылары, сонымен қатар ірі қара малдар мен түйелер өсіріледі.

Жаңақала ауданы - бұл Ұлы Отан соғысының батырлары және еңбек ардагерлері, ұлы күйші, сазгер, домбырашы, мәдениет және қоғам қайраткерлері мен ғалымдардың Отаны.

Атап айтқанда, күй атасы Қ.Сағырбаев, күй анасы Д.Нұрпейісова, ұлы күйші - сазгерлер Қ.Жантілеуов, Мәмен, О.Қабиғожин, Ш.Қажғалиев, қазақ халқының еркіндігі үшін күресушілері М.Өтемісов, И.Таймановтардың Отаны.

Өзіне меншікті WEB сайт құру «Электрондық үкіметті» іске асырудың бірінші қадамы болып табылып, мемлекеттік органдардың жұмысын тиімділігін арттыруға септігін тигізеді.

Қазақстан Республикасы Президенті Н.Ә.Назарбаев жыл сайынғы Қазақстан халқына «Жаңа әлемдегі жаңа Қазақстан» атты Жолдауында: «"Электрондық үкімет" жасақтау жөніндегі жұмыстың нәтижелеріне мұқият талдау жүргізу керек. Осыны ескере отырып, әрі әлемнің жетекші елдерінің тәжірибесіне сүйеніп, осы заманғы ақпараттық технологияларды енгізуді жалғастыра беру қажет болады»,-деп атап көрсетті.

Менің ойымша Интернетте әкімдіктің ресми сайтының ашылуы мемлекеттік басқару органдарының тұрғындарымен қарым-қатынасын, жедел түрде мәлімет алмасуларына, әрбір сайтқа келушілерге аудан тарихы, оның әлеуметтік-экономикалық дамуы жөнінде ақпарат алуға, өзін қызықтыратын сұрақтарына жауап алып, алынған шешімдерге ұсыныстарын енгізуге жағдай жасалып отыр.

Әкімдіктің ресми сайты көпшілік тұрғындардың ой-пікірлерін қатерге алып, ауданның алға басуына қызмет ететініне сенімдімін.

Біз Батыс Қазақстан облысының және тәуелсіз Қазақстанның өркендеуі үшін өзара тиімді қарым-қатынас жасауға әзірміз.

 

Біздің сайтқа қош келдіңіздер!

Құрметпен, 

Жаңақала ауданы әкімі

Қарағойшин Науырызбай Қадырбайұлы


 Жаңалықтар


Пікір-сайыс ойыны өткізілді

12.11.2018

рисунок

12 қараша күні аудандық деңгейде мемлекеттік қызметшілер мен белсенді жастар арасында «Қазақстан бүгін және болашақта» тақырыбы бойынша Американдық парламенттік форматында пікір-сайыс ойыны өткізілді. Аталмыш іс-шараға мемлекеттік қызметшілер, аудан жастары белсене қатысып, өз пікірлерін білдірді. 

Толығырақ...


«Жомарт жүрек - 2018»

09.10.2018

рисунок

Бүгін Жаңақала ауданында Елбасымыз Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласында айқындалған «Туған жер», «Атамекен» кіші бағдарламаларының аясында «Жомарт жүрек - 2018» сыйлығының номинацияларын табыстауға арналған салтанатты жиын өтті.

Толығырақ...


«Ашық есік күні»

10.09.2018

рисунок

Елбасы Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты  Жолдауының 9 міндетін іске асыру мақсатында Отбасы күні аясында жанұялық құндылықтарды нығайту мақсатында, 2018 жылдың 10 қыркүйегінде Жаңақала ауданы әкімдігінде мемлекеттік қызметшілердің балаларына қызметі бойынша жұмыс орнында «Ашық есіккүні» өткізілді.

Толығырақ...


Жаңа оқу жылы басталды

01.09.2018

рисунок

1 қыркүйек - барлық білім ордалары білім алушыларға есіктерін айқара ашып, мектеп табалдырығын алғаш аттаған кішкентай бүлдіршіндерді ықыласпен қарсы алатын күн. Осы орайда, аудан орталығындағы Жаңақала орта мектебінде «Алғашқы қоңырау» салтанатты жиыны өз деңгейінде өтті. Ақ бантик тағып, бірдей мектеп формасын киген оқушылар мереке сәнін келтірді. 

Толығырақ...


Кешенді оқу-жаттығу өтті

24.08.2018

рисунок

Жаңақала ауданында төтенше жағдайлардың алдын алу және азаматтық қорғаныс жұмыстарын жетілдіру мақсатында кешенді оқу-жаттығу дайындығы өтті. Оған БҚО Төтенше жағдайлар департаменті Азаматтық қорғаныс бөлімінің басшысы Максим Хайрекенов, аталған департамент өкілдері және аудандағы төтенше жағдайлардың алдын алу жөніндегі комиссия мүшелері, басқа да тиісті қызмет басшылары қатысты.

Толығырақ...


Барлық жаңалықтарды оқу ...