Құрметті Жаңақала ауданы әкімдігінің ресми сайтына келушілер!


Сіздерді Жаңақала ауданы тұрғындары және өз атымнан Жаңақала ауданы жергілікті мемлекеттік басқаруының ресми WEB сайтында құттықтаймын.

Жаңақала ауданы-тек қана Батыс Қазақстан облысына емес, республикаға танымал үлкен мал шаруашылығымен айналысатын аудан. Ауданда асылтұқымды Еділбай қойлары, асыл тұқымды Көшім жылқылары, сонымен қатар ірі қара малдар мен түйелер өсіріледі.

Жаңақала ауданы - бұл Ұлы Отан соғысының батырлары және еңбек ардагерлері, ұлы күйші, сазгер, домбырашы, мәдениет және қоғам қайраткерлері мен ғалымдардың Отаны.

Атап айтқанда, күй атасы Қ.Сағырбаев, күй анасы Д.Нұрпейісова, ұлы күйші - сазгерлер Қ.Жантілеуов, Мәмен, О.Қабиғожин, Ш.Қажғалиев, қазақ халқының еркіндігі үшін күресушілері М.Өтемісов, И.Таймановтардың Отаны.

Өзіне меншікті WEB сайт құру «Электрондық үкіметті» іске асырудың бірінші қадамы болып табылып, мемлекеттік органдардың жұмысын тиімділігін арттыруға септігін тигізеді.

Қазақстан Республикасы Президенті Н.Ә.Назарбаев жыл сайынғы Қазақстан халқына «Жаңа әлемдегі жаңа Қазақстан» атты Жолдауында: «"Электрондық үкімет" жасақтау жөніндегі жұмыстың нәтижелеріне мұқият талдау жүргізу керек. Осыны ескере отырып, әрі әлемнің жетекші елдерінің тәжірибесіне сүйеніп, осы заманғы ақпараттық технологияларды енгізуді жалғастыра беру қажет болады»,-деп атап көрсетті.

Менің ойымша Интернетте әкімдіктің ресми сайтының ашылуы мемлекеттік басқару органдарының тұрғындарымен қарым-қатынасын, жедел түрде мәлімет алмасуларына, әрбір сайтқа келушілерге аудан тарихы, оның әлеуметтік-экономикалық дамуы жөнінде ақпарат алуға, өзін қызықтыратын сұрақтарына жауап алып, алынған шешімдерге ұсыныстарын енгізуге жағдай жасалып отыр.

Әкімдіктің ресми сайты көпшілік тұрғындардың ой-пікірлерін қатерге алып, ауданның алға басуына қызмет ететініне сенімдімін.

Біз Батыс Қазақстан облысының және тәуелсіз Қазақстанның өркендеуі үшін өзара тиімді қарым-қатынас жасауға әзірміз.

 

Біздің сайтқа қош келдіңіздер!

Құрметпен, 

Жаңақала ауданы әкімі

Қарағойшин Науырызбай Қадырбайұлы


 Жаңалықтар


Тұрғындар тілегі ескеріледі

17.04.2018

Ауыл халқының билікке араласар тұсы – көпшілік жиналыс. Осы жерде елдің де, жеке бастың да мұңы қозғалады, мұқтажы түгенделеді.

Толығырақ...


Тазалық айлығы басталды

14.04.2018

«Тазалық – саулық негізі, саулық байлық негізі» демекші, тазалық туралы сөз қозғар болсақ, қоғам тазалығы, тіл, ар-ождан тазалығы, жеке бастың және қоршаған ортаның тазалығы осылай тізбектеле береді. Бұлардың әрқайсысы өзінше әңгіме етерлік тақырыптар. Алайда, өмір сүрер ортамыздың тазалығын сақтау айтарлықтай маңызды екендігі рас.

Толығырақ...


«Құмдағы ауыл – құндағым»

12.04.2018

Қадыр орталығында әр бейсенбіде өтетін «Елеулі есімдер» жобасының кезекті қонағы – Қазақстан Журналистер Одағының мүшесі, ақын Закария Сисенғали болды. Қасиетті Қамыс-Самар, жаңарған Жаңақаланың төл перзенті, есімі елге танымал ақын өзі тебірене жырлаған Жайық жұртымен кездесті.

Толығырақ...


«Өнермен өрілген өмір»

07.04.2018

Мәстексай ауылы – өнерімен есімі дүйім елге танылған, дарабоз дарындар мен табиғи таланттар дүниеге келген өлке. Кең пейілді, қонақжай ауыл халқының өнер адамдарына деген құрметі де ерекше. Біз көрген керемет кеш те соның бір дәлелі.

Толығырақ...


Денсаулық күні атап өтілді

07.04.2018

7 сәуір күні аудан тұрғындары Дүниежүзілік денсаулық күнін атап өтті. «Сау болу – сәнді!» ұранымен өткен денсаулық күні ауыл тұрғындарының көпшілік жүгруімен басталды. Бұл күні салауатты өмір салтын қолдау мақсатында жүгіру үшін Жаңақала колледжі ғимаратының қасына жиналған халықтың қарасы көп болды.

Толығырақ...


Барлық жаңалықтарды оқу ...