Ауыл халқының билікке араласар тұсы - көпшілік жиналыс. Осы жерде елдің де, жеке бастың да мұңы қозғалады, мұқтажы түгенделеді. Бұл бағытта өткен аптада «Ашық есік" күндері аясында аудан әкімінің міндетін уақытша атқарушы Айзада Шүкірғалиева бастаған топ Көпжасар ауылдық округінің халқымен кездесті. Мұнда да күн тәртібіне үш мәселе қойылды. Олар: ауылдық округ бойынша атқарылған жұмыстардың есебі, ауылдық округтегі қылмыстық, құқық бұзушылықтың алдын алу жұмыстары, ауыл шаруашылығындағы мал ауруларының алдын алу, ваканциялау, бірдейлендіру шаралары. Жиынға ауыл тұрғындарымен қатар, аудандық ветеринария бөлімінің басшысы Марат Нұрғалиев, аудандық жергілікті полиция қызметінің басшысы Темірхан Айтекешев, аудандық халықты жұмыспен қамту орталығының директоры Асылан Оразалиев және БАҚ өкілдері қатысты.

Жаңақала ауданы әкімдігінің үлкен мәжіліс залында Жаңақала ауданы бойынша аудан әкімі жанындағы үкіметтік емес ұйымдармен ынтымақтастық және өзара іс-қимыл жөніндегі аудандық кеңес отырысы өтті. Кеңесті аудан әкімінің міндетін уақытша атқарушы Айзада Шүкірғалиева ашып, жүргізіп отырды. Жиынға кеңес мүшелері, үкіметтік емес ұйымдар, жастар және БАҚ өкілдері қатысты.

Жаңақала ауданы әкімінің 2012 жылғы 16 қазан күнгі ауылдық округтерде аудандық мекеме басшыларының қатысуымен «Ашық есік күнін» өткізу туралы шешіміне орай тұрғындар жиыны биыл да басталды. Себебі көктеммен бірге басталатын тұрмыстық мәселелер аз емес. «Келісіп пішкен тон келте болмайды» дегендей, оларды тұрғындар ұсынысын ескере отырып шешу орынды. Сондықтан, әр ауылдық округтердегі осындай жиынға мекеме басшыларымен бірге барып, туындаған мәселелерді бірлесе шешу аудан әкімдігінің жұмыс дағдысына айналып кеткен-ді. Бұны қос көретін ауылдағы ағайындар да сход жиынын күтіп, айтар пікір, ойларын жұптап отырады.

Жақында Жаңақала колледжінде үстел теннисінен ерлер және қыздар арасында аудандық жарыс өткізілді. Жарысты жастармен жұмыс жөніндегі ресурстық орталығы ұйымдастырды.

Жуырда ауданымызда «Жас отау» жас отбасыларды қолдау клубы ашылды. Аудандық мәдениет, тілдерді дамыту, дене шынықтыру және спорт бөлімі АХАТ қызметінің бастамасымен Жаңақала аудандық жастармен жұмыс жөніндегі ресурстық орталығы жанынан ашылып отырған бұл клубқа арнайы мамандар мен психологтар жастарға қызмет етеді. Тәрбиелік мәні бар әртүрлі іс-шаралар ұйымдастырып, отбасы институтын нығайтуға атсалыспақ.

Бүгін аудандық мәдениет үйіндеаудан әкімдігі мен аудандық ішкі саясат бөлімінің ұйымдастыруымен «Ашық әкімдік» шарасы өтті. Аудандық бөлімдер мен мекеме басшылары, құқық қорғау органдары басшылары, жалпы саны 21 мемлекеттік органдар мен мекемелердің мамандары тұрғындардың сауалдарына жауап берді.

Ауданымыз жыл санап өсіп, көркейіп келеді. Оған ауданның кәсіпкерлері де өз үлестерін қосуда. Олардың бірі мемлекет қолдауымен, бірі өз күштерімен кәсіптерін дамытып, халыққа қызмет көрсететін әр түрлі нысандар салуда. Сондай жас кәсіпкердің бірі Нұртай Сабыров. Ол биыл «Мақсат» Орал медициналық колледжін «Стаматология бойынша дандист» мамандығы бойынша тамамдаған. Оқуын биыл ғана аяқтаған ол үкіметке алақан жаймай, өзінің стаматологиялық кабинетін ашуды жөн көрген.