23-25 қаңтар күндері Орал қаласында 2003-2005 және 2006-2007 жылдары туған жасөспірімдер арасында самбо күресінен облыстық турнир өтті. Оған 10 ауданнан және қалалық спорт мектептерінен 300-ге тарта спортшы қатысты.

2017 жылдың 26-29 қаңтар күндері Орал қаласында тоғызқұмалақтан Батыс Қазақстан облысының кубогы үшін ерлер мен әйелдер арасында командалық және жекелей жарыс оздырылды. Бұл сынға 8 команда, 100-ден астам ойыншы қатысты. Жарыстың мақсаты - алдағы айда Алматы шаһарында өтетін ел біріншілігіне үздіктерді іріктеп алу еді.

Тұрғындардың қосалқы шаруашылықтарын дамыту арқылы агроөнеркәсіп кешені өнімдері өндірісінің көлемін арттыруға бағытталған мемлекеттік бағдарлама жұмыссыздарды жұмыспен қамтудың бір шарасы деуге болады.

Жаңақала ауданының әкімі Л.Хайретдинов алдын ала жасалған кесте бойынша 19 қаңтар күні Пятимар, Бірлік, Қызылоба, 20 қаңтар күні С.Меңдешев, Көпжасар ауылдық округ тұрғындарымен кездесіп, есепті мерзім ішінде ауданда атқарылған жұмыстардың және алда тұрған міндеттердің есебін берді. Қай ауылдық округте де сол округтің өндірістік көрсеткіштерін аудандық нәтижелермен салыстыра көрсетіп, жетістіктерін де, кемшіліктерін де талдап отырды. Сол арқылы округтегі атқарылар істерге бағыт-бағдар жасап, жауапкершілік жүктеді. 

Жаңақала ауданының әкімі Лавр Хайретдиновтің биылғы тұрғындармен есепті кездесуі 18 қаңтар күні Мәстексай ауылдық округінен басталды. Бұл күні аудан әкімі бастаған аудандық мекеме, бөлім басшылары Жаңажол, Жаңақазан ауылдық округтерінде де болып, тұрғындармен жүздесті.

Бүгін  Жаңақала ауданы әкімдігінің үлкен мәжіліс залында ағымдағы жылдың бірінші жартыжылдығында «Б» корпусы мемлекеттік әкімшілік қызметшілерінің аттестаттауын өткізу тәртібін түсіндіру жөнінде семинар кеңес өтті. Оған аудандық дербес бөлім, мекеме басшылары, мемлекеттік қызметшілер қатысты.

2017 жыл 16 қаңтарда Мұқыр ауылында Мастексай ауылдық округінің әкімі Мухамбетжанова Сауле Төлегенқызы «Ауылдың 2016 жылғы экономикалық –әлеуметтік даму барысы және алда тұрған міндеттері туралы» есебін берді. Жиналысқа аудандық маслихат хатшысы З.Сисенғали, Жаңақала аудандық ветеринария бөлімінің басшысы М.Нұрғалиев, шаруа қожалық басшылары, ауыл тұрғындары, мекеме қызметкерлері қатысты.