2017 жылдың 29 тамыз күні Жаңақала ауданына Елбасының «Рухани жаңғыру» бағдарламасының шеңберінде «Қазақстанның киелі географиясы» жобасына енгізілетін ауданымыздың аумағындағы қасиетті һәм киелі жерлерді көріп, зерттеу мақсатында Астанадан «Қасиетті Қазақстан» орталығының республикалық экспедиция тобының мүшелері Анар Екимбаева, Арайлым Рахымберді және облыстық тарихи-өлкетану музейінің директоры Мерболат Ерсаев бастаған бір топ музей қызметкерлері келді.

Экспедиция тобының келгендегі мақсаты - Елбасының "Рухани жаңғыру", "Туған жер" бағдарламасы бойынша аудан аумағындағы маңызы бар тарихи орындарды анықтау еді. Осыған орай олар ауданымыздағы "Төребай күмбезі" сияқты тарихи орындардың жәй-күйімен танысып, қыр-сырына қанықты. Сонымен қатар, аудан орталығындағы тарихи ескерткіштерді аралап, жолшыбай күйшілер кесенесінде болып, марқұмдарға құран бағыштап, дәулескер домбырашылардың рухына тәу етті.

Халықаралық жастар күні мерекесі қарсаңында аудан әкімі Н.Қ.Қарағойшин аудан жастарымен кездесіп, осы саладағы ұсыныс-пікірлерді талқылады. Кездесуге жиналған жас мамандар мен студент жастар өз кезегінде өздерін толғандырып жүрген сауалдарын қойып, ашық түрде пікір алмасты. Еліміздің жарқын болашағы жастардың қолында екендігін баса атап өткен аудан басшысы Наурызбай Қадырбайұлы аудан жастарының игі бастамаларына әрқашан қолдау білдіретіндігін жеткізді.

22 мамыр  аудан әкімдігінің кіші мәжіліс залында Қоғамдық сананы жаңғырту бағдарламасын іске асыру жөніндегі аудандық жұмысшы тобының отырысы өтті. Жиынға аудан әкімі Лавр Хайретдинов, дербес бөлім, мекеме басшылары, еңбек ардагерлері, тағы басқалары қатысты.

Алдымен аудандық ішкі саясат бөлімінің басшысы Қалаубек Теміров баяндама жасады.

-Елбасының «Болашаққа бағдар: рухани жаңғыру» бағдарламалық мақаласын іске асыру бойынша мемлекеттік деңгейде ұйымдастыру жұмыстары қолға алынғаны белгілі. ҚР Президенті жанындағы қоғамдық сананы жаңғырту бағдарламасын іске асыру жөніндегі Ұлттық комиссиясы қызметін тиімді ұйымдастыру мақсатында Қоғамдық сананы жаңғырту бағдарламасын іске асыру бойынша републикалық іс-шаралар жоспары бекітілді.

Аудандық деңгейге келетін болсақ, аудан әкімінің өкімімен Қоғамдық сананы жаңғырту бағдарламасын іске асыру жөніндегі 35 мүшеден тұратын аудандық жұмыс комиссиясы, аудандық іс-шаралар жоспары бекітіліп, ауылдық округ әкімдіктері мен мүдделі органдарға таратылды.

19 мамыр күні аудандық рухани орталықта Елбасы Н. Назарбаевтың «Болашаққа бағдар: рухани жаңғыру» атты мақаласын Жаңақала ауылы тұрғындарына бағытында жиын өтті. Жиын барысында сөз алған аудандық мәслихат хатшысы З.Сисенғали, Жаңақала мектеп-гимназиясы директорының орынбасары Р.Қайратқызы, Д.Нұрпейісова атындағы аудандық өлкетану мұражайының директоры А.Сәлімов, Жаңақала ЖОББМ география пәнінің мұғалімі Аманғалиев Елбасы мақаласының маңызы мен Қазақстанның ғылым-білім, тарих, әдебиет, әлеуметтік және тағы да басқа салалардың дамуына оң ықпалы туралы баяндады.

Сондай-ақ, отырыс барысында мақалада көрсетілген «Ұлттық сана», «Туған жер» бағдарламасы, «Қазақ тіліндегі 100 жаңа оқулық», «Мәдени-географиялық белдеу», «100 жаңа есім» және өзге де мәселелер кең көлемде талқыланып, қатысушылар тарапынан қолдауға ие болды.

Жиында қорытындылаған аудан басшысы Л.Хайретдинов аудан тұрғындарын мақалада аталған рухани мәселелерді бірлесе атқаруға шақырды.

 

16 мамыр күні Ел Президенті Н.Назарбаевтың «Болашаққа бағдар: рухани жаңғыру» атты ой толғауы көпшіліктің көңіл пернесін дөп басқан, ел дамуына айқын бағдар берген аса маңызды құжат еді. Осы аса құнды құжатты әр тұрғынға жеткізу, одан туындайтын міндеттерді саралап беру үлкен жауапты жұмыс. Осы мақсатта Жаңақала ауданында да қоғамдық сананы жаңғырту бағдарламасын іске асыру жөніндегі аудандық жұмыс тобы құрылды. Құрамы 35 адамнан тұратын жұмыс тобына аудан әкімі Л.Хайретдинов төрағалық етуде.

Сондай-ақ аудан бойынша осы мақсаттағы іс-шаралар жоспары да бекітіліп, жұмысшы тобы іске кірісіп те кетті.