Адамзатқа ертеден таныс сыбайлас жемқорлық – заманмен бірге өсіп-өркендеп, небір тегеурінді қарсылықтарға төтеп беріп, қайда мол қаражат, пайда болса, сол жерге тамыр жайып, бүгінге дейін жойылмай отырған қауіпті кеселдің бірі. Басқа дамушы елдер сияқты, біздің жас мемлекетімізді де жегі құрттай бұл кесел айналып өткен жоқ.

«Сыбайлас жемқорлыққа қарсы іс-қимыл туралы» Заң қабылданғаннан бері сыбайлас жемқорлыққа қарсы іс-әрекеттер дәйектілікпен жүзеге асырылуда. Осы бағыттағы шаралар мен көкейтесті мәселелерді шешуде заңдылықты жетілдіру жұмыстары тұрақты түрде жүргізіліп келеді. Жалпы алғанда, қабылданған кешенді шаралар нәтижесінде сыбайлас жемқорлық көрністерінің азаюы байқалады.

Сыбайлас жемқорлықтың жиі бой көрсететін, ең қауіпті түрі-парақорлық. Бірінші кезекте пара берудің себептерін, пара алудың жағдайларын түп-тамырын жою үшін қоғам болып белсенділік танытуымыз қажет. Яғни пара беру де, пара алу да пайдалы болмайтындай, үлкен қылмыс ретінде саналатындай жағдай, қоғамдық сана қалыптасуы қажет. Парақорлық мемлекеттік аппараттың қалыпты қызмет етуіне бөгет болып, билік және басқару органдарының беделіне нұқсан келтіреді, заңдылық қағидаларын жоққа шығарып, азаматтардың конституциялық құқықтары мен заңды мүдделеріне қысымшылық жасайды. Парақорлықтың алдын алу, жолын кесу, ашу және тергеу жұмыстары жоспарлы түрде жүзеге асырылып келеді. Бүгінгі таңда әлеуметтік аурудың алдын алу және әшкерелеу үрдісі жылдан жылға өсе түсуде. Парақорлықпен елімізде көбіне-көп қолында билігі бар, шешім шығаруға, бөліп бергізуге өкілеті жететін қызметкерлерінің айналысып отырғанын көрсетіп берді.

Қазақстан Республикасының «Сыбайлас жемқорлыққа қарсы іс-қимыл туралы» Заңына сәйкес Сыбайлас жемқорлыққа қарсы іс-қимылды өз құзыреті шегінде барлық мемлекеттік органдар, ұйымдар, квазимемлекеттік сектор субъектілері мен лауазымды адамдар жүргізуге міндетті.

Сыбайлас жемқорлық құқық бұзушылық туралы ақпаратқа ие адам өзі қызметкері болып табылатын мемлекеттік органның не ұйымның басшылығына не сыбайлас жемқорлыққа қарсы іс-қимыл жөніндегі уәкілетті органға хабар беруі тиіс. Жемқорлық құқық бұзушылықты хабарлаған және басқа да жолмен жемқорлықпен күреске атсалысқан тұлға мемлекет қорғауында болады.

Елбасы, Қазақстан Президен­ті Н.Ә.Назарбаев Қазақстан хал­қына арнаған әр Жолдауында жемқорлыққа қарсы күресті күшейтуге баса назар аудара­ды.

«Жемқорлыққа қарсы күрес жан-жақты, үздіксіз, ашық әрі әділетті түрде жүргізілуі тиіс. Біз сонда ғана алға қойған биік мақсаттарға қол жеткізе аламыз» деп еді Елбасымыз.

Сондықтан қоғамды жегідей жеп жатқан қауіпті індетпен көп болып күресуіміз қажет.

Біздің міндет – халыққа қызмет!

Ел болып, сыбайлас жемқорлықты жеңейік!

Жаңақала  ауданы бойынша МКБ-ның

Ақпараттарды қабылдау және өңдеу орталығы

бөлімінің басшысы Гумарова Г.К.

«Азаматтарға арналған үкімет» «Қазпочта» АҚ-мен бірлесіп, пилоттық жобаны іске қосты. Соның арқасында ХҚКО жоқ шалғай елді мекендердің тұрғындары мемлекеттік корпорацияның қызметтерін «Қазпочта» АҚ ауылдық бөлімшелерінде ала алады.

Әзірше 66 мемлекеттік қызмет көрсетіледі, оның ішінде электрондық анықтамаларды беру, баланың туылуын тіркеу, баланың туылуы мен күтіміне байланысты жәрдемақы тағайындау, жылжымайтын мүлік объектілеріне техникалық паспорттың телнұсқасын беру, запастағы офицерлерге әскери билеттер және олардың телнұсқаларын (әскери билеттің орнына уақытша куәліктер) беру және тағы да басқа қызметтер бар.

«Азаматтар арналған үкімет» мемлекеттік корпорациясының төрағасы Абылайхан Оспановтың айтуынша, мемлекеттік корпорацияда шалғайдағы ауылдық округ тұрғындарының мемлекеттік қызметтерді еркін алуына ерекше назар аударылып келеді. Осылайша, 2012 жылдан бастап бүкіл Қазақстан бойынша 70 мобильдік ХҚКО жұмыс істейді, олар әкімдіктердің өтінімдері бойынша елді мекендерге шығып, қызмет көрсетеді. Жыл басынан бері олар 7455 рет ауыл тұрғындарына барып, 335 736 қызмет көрсеткен.

Жаңақала ауданы бойынша мемлекеттік кірістер басқармасы, Сізге 2017 жылдың 3 қазаны күні сағат 12.00 бастап 15.00 дейін, Орал қаласы, Некрасов 30/1 көшесі мекен жайында орналасқан Орал қаласы бойынша мемлекеттік кірістер басқармасында Қазақстан Республикасының Кәсіби бухгалтерлер палатасының ұйымдастырумен семинар өтетінін хабарлайды.

Семинар тақырыбы: «2018 жылға Салық кодексінің негізгі ережелерін қарау».

Лектор: Кулешов Андрей Геннадьевич, кәсіби бухгалтер, «Eurasia Copper Advisory» ЖШС-нің бухгалтерлік қызмет жобасының  менеджері,  CIPA I деңгейі, оқытушы.

Семинар бағдарламасы:

  1. Бухгалтерлерге арналған сертификаттау бағдарламаларының жіктелуі және оларды қолдану мүмкіндігі;
  2. ф.200.00, 910.00, 300.00 нысандары бойынша тоқсан сайынғы есеп беру тәртібіндегі өзгерістерді мысалдармен қарау;
  3. Міндетті әлеуметтік медициналық сақтандыру принциптері (МӘМС);
  4. 2018 жылға Салық кодексінің негізгі ережелерін қарау;
  5. Сұрақ-жауап:

 

Жаңақала ауданы бойынша

мемлекеттік кірістер басқармасы

Қазақстан Республикасының «Міндетті әлеуметтік медициналық сақтандыру туралы» Заңының 1 бабының 14 тармағына сәйкес барлық жұмыс берушілер, оның ішінде қызметін Қазақстан Республикасында жүргізетін шетелдік заңды тұлғалар міндетті әлеуметтік медициналық сақтандыру төлеушілер болып табылады.

Қазақстан Республикасы Денсаулық сақтау министрінің 2017 жылғы 30 маусымдағы №478 бұйрығымен Міндетті әлеуметтік медициналық сақтандыру (МӘМС) жарналарын есептеу мен аудару Қағидасы бекітілді.

Қағидада жұмыс берушілердің жұмысшылары үшін МӘМС есептеу мен аударудың негізгі ережелері бекітілген.

Жұмыс берушінің қорға төлеуге жататын аударымдары және жарналары ай сайын есептеліп, аударылады.

Жарналарды есептеу үшін қабылданатын ай сайынғы кіріс жеке тұлғаның кірістерінің барлық түрлерінің қосындысы бойынша есептеледі және республикалық бюджет туралы заңмен тиісті қаржы жылына белгіленген жалақының он бес еселенген ең төменгі мөлшерінен аспауы тиіс (24459 *15=366885тенге).

Егер күнтізбелік ай үшін аударымдардың көлемі жалақының ең төменгі мөлшерінен аз болған жағдайда жарналар жалақының ең төменгі мөлшері негізге алына отырып есептеледі және аударылады.

Есептеу объектісі болып жұмысшының айлық кірісі саналады.