Жаңақала ауданы әкімдігінің үлкен мәжіліс залында Жаңақала ауданы бойынша аудан әкімі жанындағы үкіметтік емес ұйымдармен ынтымақтастық және өзара іс-қимыл жөніндегі аудандық кеңес отырысы өтті. Кеңесті аудан әкімінің міндетін уақытша атқарушы Айзада Шүкірғалиева ашып, жүргізіп отырды. Жиынға кеңес мүшелері, үкіметтік емес ұйымдар, жастар және БАҚ өкілдері қатысты.

Жаңақала ауданы әкімінің 2012 жылғы 16 қазан күнгі ауылдық округтерде аудандық мекеме басшыларының қатысуымен «Ашық есік күнін» өткізу туралы шешіміне орай тұрғындар жиыны биыл да басталды. Себебі көктеммен бірге басталатын тұрмыстық мәселелер аз емес. «Келісіп пішкен тон келте болмайды» дегендей, оларды тұрғындар ұсынысын ескере отырып шешу орынды. Сондықтан, әр ауылдық округтердегі осындай жиынға мекеме басшыларымен бірге барып, туындаған мәселелерді бірлесе шешу аудан әкімдігінің жұмыс дағдысына айналып кеткен-ді. Бұны қос көретін ауылдағы ағайындар да сход жиынын күтіп, айтар пікір, ойларын жұптап отырады.

Жуырда ауданымызда «Жас отау» жас отбасыларды қолдау клубы ашылды. Аудандық мәдениет, тілдерді дамыту, дене шынықтыру және спорт бөлімі АХАТ қызметінің бастамасымен Жаңақала аудандық жастармен жұмыс жөніндегі ресурстық орталығы жанынан ашылып отырған бұл клубқа арнайы мамандар мен психологтар жастарға қызмет етеді. Тәрбиелік мәні бар әртүрлі іс-шаралар ұйымдастырып, отбасы институтын нығайтуға атсалыспақ.

Бүгін аудандық мәдениет үйіндеаудан әкімдігі мен аудандық ішкі саясат бөлімінің ұйымдастыруымен «Ашық әкімдік» шарасы өтті. Аудандық бөлімдер мен мекеме басшылары, құқық қорғау органдары басшылары, жалпы саны 21 мемлекеттік органдар мен мекемелердің мамандары тұрғындардың сауалдарына жауап берді.

Ауданымыз жыл санап өсіп, көркейіп келеді. Оған ауданның кәсіпкерлері де өз үлестерін қосуда. Олардың бірі мемлекет қолдауымен, бірі өз күштерімен кәсіптерін дамытып, халыққа қызмет көрсететін әр түрлі нысандар салуда. Сондай жас кәсіпкердің бірі Нұртай Сабыров. Ол биыл «Мақсат» Орал медициналық колледжін «Стаматология бойынша дандист» мамандығы бойынша тамамдаған. Оқуын биыл ғана аяқтаған ол үкіметке алақан жаймай, өзінің стаматологиялық кабинетін ашуды жөн көрген.

Өткен аптаның қасиетті жұмасы күні, яғни 7 сәуір күні Қазақстан мұсылмандары діни басқармасының төрағасы, бас мүфти Е.Маямеровтың №379 бұйрығымен аудандық мешітке бас имам болып Сұлтанов Ерік Қонақбайұлы тағайындалды. Жаңа имамды тағайындауға арнайы келген облыстың орталық мешіттің наиб-имамы Самат Әлібаев алдымен жиналған жамағатқа мұсылман қауымы үшін қасиетті саналатын жұма намазы туралы уағыз айтып, жамағатты уағызға ұйытты. Одан әрі ол  жиналған жамағат алдында  ауданымыздың бас имамы болып қызмет атқарған Мұратбек қажы Жахатовқа алғысын білдіріп, оның аудан халқы үшін сіңірген еңбегіне алғысын білдірді.

Жаңақала аудандық мәдени демалыс орталығында эстрада әншісі Нұржан Керменбаевтың ән кеші өтті.