Құрметті Жаңақала ауданы әкімдігінің ресми сайтына келушілер!


Сіздерді Жаңақала ауданы тұрғындары және өз атымнан Жаңақала ауданы жергілікті мемлекеттік басқаруының ресми WEB сайтында құттықтаймын.

Жаңақала ауданы-тек қана Батыс Қазақстан облысына емес, республикаға танымал үлкен мал шаруашылығымен айналысатын аудан. Ауданда асылтұқымды Еділбай қойлары, асыл тұқымды Көшім жылқылары, сонымен қатар ірі қара малдар мен түйелер өсіріледі.

Жаңақала ауданы - бұл Ұлы Отан соғысының батырлары және еңбек ардагерлері, ұлы күйші, сазгер, домбырашы, мәдениет және қоғам қайраткерлері мен ғалымдардың Отаны.

Атап айтқанда, күй атасы Қ.Сағырбаев, күй анасы Д.Нұрпейісова, ұлы күйші - сазгерлер Қ.Жантілеуов, Мәмен, О.Қабиғожин, Ш.Қажғалиев, қазақ халқының еркіндігі үшін күресушілері М.Өтемісов, И.Таймановтардың Отаны.

Өзіне меншікті WEB сайт құру «Электрондық үкіметті» іске асырудың бірінші қадамы болып табылып, мемлекеттік органдардың жұмысын тиімділігін арттыруға септігін тигізеді.

Қазақстан Республикасы Президенті Н.Ә.Назарбаев жыл сайынғы Қазақстан халқына «Жаңа әлемдегі жаңа Қазақстан» атты Жолдауында: «"Электрондық үкімет" жасақтау жөніндегі жұмыстың нәтижелеріне мұқият талдау жүргізу керек. Осыны ескере отырып, әрі әлемнің жетекші елдерінің тәжірибесіне сүйеніп, осы заманғы ақпараттық технологияларды енгізуді жалғастыра беру қажет болады»,-деп атап көрсетті.

Менің ойымша Интернетте әкімдіктің ресми сайтының ашылуы мемлекеттік басқару органдарының тұрғындарымен қарым-қатынасын, жедел түрде мәлімет алмасуларына, әрбір сайтқа келушілерге аудан тарихы, оның әлеуметтік-экономикалық дамуы жөнінде ақпарат алуға, өзін қызықтыратын сұрақтарына жауап алып, алынған шешімдерге ұсыныстарын енгізуге жағдай жасалып отыр.

Әкімдіктің ресми сайты көпшілік тұрғындардың ой-пікірлерін қатерге алып, ауданның алға басуына қызмет ететініне сенімдімін.

Біз Батыс Қазақстан облысының және тәуелсіз Қазақстанның өркендеуі үшін өзара тиімді қарым-қатынас жасауға әзірміз.

 

Біздің сайтқа қош келдіңіздер!

Құрметпен, 

Жаңақала ауданы әкімі

Қарағойшин Науырызбай Қадырбайұлы


 Жаңалықтар


Дін өкілдері – Жаңақалада

12.09.2017

«Батыс Қазақстан облысының дін істері басқармасы» ММ-нің тапсырысы бойынша «Тұрақтылық кепілі – қауіпсіздік» жобасы аясында БҚО прокуратурасы және облыстық дін істері басқармасы «Аманат Жайық» қоғамдық қорымен бірлесіп, ақпараттық түсіндіру тобу Жаңақала ауданында келіп, түсіндіру жұмыстарын жүргізді. 

Толығырақ...


Су сапалы, құрылыс қарқынды болуы тиіс!

09.09.2017

Облыс басшысы жұмыс сапарымен Жаңақала ауданында болды. Алтай Сейдірұлы сапарының негізгі мақсаты - Құлшық жер асты су қорынан Жаңақала ауданына тартылып жатырған таза ауыз су құрылысының сапалы жүргізілуін қадағалау. 

Толығырақ...


Біздің денсаулығымыз өз қолымызда

09.09.2017

«Мемлекетіміздің басты байлығы – ұрпақ саулығы» деп Елбасымыз айтқандай, халықтың денсаулығы басты қазынамыз. Осы орайда Жаңақала ауданында денсаулық күніне орай «Біздің денсаулығымыз өз қолымызда» атты фестиваль өтті. Аталмыш фестивалдің басты мақсаты салауатты өмір салтын ұстануға бұқара халықтың назарын аудару. Фестивальге ауыл тұрғындары, мемлекеттік сала қызметкерлері, дәрігерлер, жастар және оқушылар қатысты.

Толығырақ...


Білім күні-жас жүректің дүрсілі

02.09.2017

Жаңақала мектеп-гимназиясында Білім күніне арналған салтанатты жиналыс өтті. Алғашқы қоңырау мерекесіне жиналған оқушылар мен ата-аналарды аудан әкімі Н.Қарағойшин арнайы құттықтады.

Толығырақ...


Алғашқы қоңырау

02.09.2017

Еліміздің барлық мектептерінде ерекше салтанатты мереке. Себебі таңмен таласа сағынышпен алтын ұя мектебіне асыққан оқушылар мектеп ауласына жиналды. Бүгін Жаңақала ЖОББ мектебінде Білім күніне орай «Алғашқы қоңырау » атты салтанаты жиын өтті. Жиында алғаш сөз алған мектеп директоры Айсұлу Оразғалиева ұстаздарды, оқушыларды Білім күнімен құттықтап, алғаш мектеп табалдырығын аттағалы отырған бүлдіршіндерге сәттілік тіледі:

Толығырақ...


Барлық жаңалықтарды оқу ...